TİF fakültəsi şəhid məzunlarını ehtiramla andı

Azərbaycan Memarlıq və İnşaat Universitetinin (AzMiU) Tikinti-iqtisad fakültəsində “44 Günlük Zəfər Yolu” adlı tədbir keçirilib. Tədbirdə fakültənin dekanı dosent Turan Aslanova, Biznesin iqtisadiyyatı və menecment kafedrasının müdiri professor Məhəbbət Məmmədov, Sənayenin təşkili və idarə edilməsi kafedrasının müdiri dosent Ruhəngiz Əliyeva, TİF-in dekan müavini Ayyət Əhməd, fakültənin nəzdində olan kafedraların müəllimləri, şəhidlərin valideynləri, qrup və döyüş yoldaşları iştirak ediblər.

Tədbiri giriş sözü ilə açan fakültənin dekanı Turan Aslanova TİF-in şəhidləri Osman Cəfər və Səmural Fətəliyev barədə ətraflı məlumat verib. Onların təhsil həyatı və göstərdikləri qəhrəmanlıqlardan söz açıb. Vətənpərvərlik mövzusunun daim aktual olduğunu və bu kimi tədbirlərin gənclərin vətənpərvər ruhda tərbiyə olunmasına müsbət töhfə verdiyini deyib. Allahdan şəhidlərimizə rəhmət, qazilərimizə cansağlığı diləyən dekan şəhidlərimizin Azərbaycan xalqının qəlbində daim yaşayacağını söyləyib.

Professor Məhəbbət Məmmədov çıxışında Azərbaycanda elmli və cəsur gənclərin yetişdiyini, onların həm döyüş meydanında, həm də elm sahəsində uğurlar qazandığını diqqətə çatdırıb. O, gənclərə daha çox oxumağı və vətənə xidmət etməyi tövsiyə edib.

Dekan müavini Ayyət Əhməd də diqqəti Azərbaycanda vətənpərvər gəncliyin formalaşması üçün dövlətimiz tərəfindən görülən işlərə çəkib. Məhz bu cəsarətli və vətənpərvər gəncliyin sayəsində Qarabağ kimi tarixi torpaqlarımızın öz azadlığına qovuşduğunu, düşmən işğalından azad edildiyini bildirib.

Sonra şəhid Səmural Fətəliyevin atası Ayaz Fətəliyev çıxış edib. O, oğlunun vətənpərvərliyi, həyat kredosu, vətənə olan misilsiz bağlılığından danışıb. General-mayor Polad Həşimovun şəhid olduqdan sonra oğlunun könüllü olaraq orduya yazıldığını və döyüş bölgəsinə yollandığını söyləyib. Bundan başqa, şəhidlərimizin müəllimləri Bəşər Şirinov və Aydın Nəbiyev şəhidlərimizin vətən sevgisindən danışıb, onları istedadlı, intellektual gənclər olmaqla yanaşı vətənpərvər şəxsiyyətlər kimi xarakterizə ediblər.

Şəhidlərin dostları da öz xatirələrini tədbir iştirakçıları ilə bölüşüb, bu tədbirin təşkilində AzMİU rəhbərliyinə minnətdarlıqlarını bildiriblər. Osman və Səmuralın hələ tələbəlik dövründə vətən, vətənin bütövlüyü, Azərbaycanın əbədi müstəqilliyi barədə müzakirələr apardıqlarını deyiblər.

Çıxışçıların söylədiyi fikirlər gənclərə şəhidlərimizi tanıtmaqla bərabər vətənə xidmətin əhəmiyyətini bir daha xatırladıb, gənclərin milli dəyərlər əsasında böyüməsinin əhəmiyyətini önə çıxarıb.

Tədbir müzakirə mühitində davam edib. “44 Günlük Zəfər Yolu” ilə bağlı film təqdim olunub.

Sonda isə xatirə şəkli çəkdirilib.

 

Fakültə ilə bağlı digər xəbərləri oxumaq üçün aşağıdakı linklərə daxil ola bilərsiniz. 

TİF fakültəsi şəhid məzunlarını ehtiramla andı

“2024 – Gənclərin İqtisadiyyat Olimpiadası”: TİF-in 50 tələbəsi olimpiadada biliklərini sınayıb

TİF tələbələri üçün master-klass: Azərbaycanda kapital bazarı və iqtisadiyyatın maliyyələşmə imkanlarından danışılıb

Tikinti-iqtisad fakültəsinin tələbələri “GreenTalk” layihəsi çərçivəsində təlimə qoşulub

"Dost görüşü" – Tikinti-İqtisad fakültəsinin tələbələri bir arada

Rektor Tikinti-iqtisad fakültəsinin birinci kurs tələbələri ilə görüşüb

Tikinti-iqtisad fakültəsinin kafedralarında elmi seminarlar keçirilib

Rektor Tikinti-iqtisad fakültəsinin birinci kurs tələbələri ilə görüşüb 

AzMİU-nun Tikinti-iqtisad fakültəsinin Şəhid məzunu Osman Cəfər

Rektor Tikinti-iqtisad fakültəsinin birinci kurs tələbələrinə öz tövsiyyələrini verib