Təcrübə və Karyera Mərkəzi

TƏCRÜBƏ VƏ KARYERA MƏRKƏZİ

Azərbaycan Memarlıq və İnşaat Universitetinin Təcrübə və Karyera Mərkəzi (TKM) 2020-ci ildə AzMİU-nun tədris işləri üzrə prorektorluğun nəzdində struktur vahidi kimi təsis olunub.

Mərkəz öz fəaliyyətini Azərbaycan Respublikasının qüvvədə olan qanunvericiliyi, AzMİU-nun Nizamnaməsi və Təcrübə və Karyera Mərkəzinin Əsasnaməsi əsasında tənzimləyir.

Təcrübə və Karyera Mərkəzi öz fəaliyyətini həyata keçirərkən AzMİU-nun digər struktur vahidləri, dövlət və özəl müəssisələr, yerli və xarici təşkilatlarla qarşılıqlı əməkdaşlıq edir.

Mərkəz zəruri olan müxtəlif sahələrə uyğun ixtisaslı mütəxəssislərin hazırlanmasını təmin edilməsi, məzun olan tələbələr haqqında məlumatların elektron bazada yerləşdirilməsi, müəssisələrə texniki, təşkilati, konsultativ xidmətlərin göstərilməsi, AzMİU-nun tədris proqramlarına uyğun olaraq müxtəlif təcrübə yönümlü obyektlərdə istehsalat təcrübəsinin təşkil edilməsi, beynəlxalq təcrübəyə uyğun olaraq tədrisin, elmin və istehsalatın əlaqələndirilməsinin təmin edilməsi işini təşkil edir.

Təcrübə və Karyera Mərkəzinin fəaliyyəti müddətində müxtəlif yerli və beynəlxlaq şirkətlərlə, dövlət müəssisələri ilə əməkdaşlıq edir. Mərkəz sənayelərdən nümayəndələrin və AzMİU məzunlarının universitetə dəvət edilməsi, tələbələrlə müxtəlif görüşlərin təşkil olunması istiqamətində fəaliyyət göstərir. 

İstehsal və qeyri-istehsal sahələri üzrə fəaliyyət göstərən kadrlar üçün qısa və uzunmüddətli kurslar və təlim proqramlarının təşkili, müxtəlif səviyyəli tədbirlərin keçirilməsi, AzMİU tələbələrinin ölkə daxilində və xaricində təcrübə keçməsi işini digər sturktur bölmələrlə birlikdə təşkil edilməsi, məzunların ixtisas profili üzrə iş imkanlarının dəstəklənməsi və s. kimi məsələlər də TKM-in fəaliyyətinə daxildir.

Azərbaycan Memarlıq və İnşaat Universitetinin bakalavr və magistr səviyyələrində təhsil alan tələbələrinin təcrübə keçmələri Təcrübə və Karyera Mərkəzi tərəfindən  Azərbaycan Təhsil Nazirliyinin ali məktəb haqqında təlimatlarına uyğun olaraq planlaşdırılır. Hazırda Mərkəzin Respublikada fəaliyyət göstərən 150-ə yaxın müəssisə ilə təcrübə yönümlü əməkdaşlıq müqaviləsi mövcuddur. Mövcud müqavilələr çərçivəsində Universitetin sonuncu kurs bakalavr və magistr səviyyələrində təhsil alan tələbələri, həmin müəssisələrdə istehsalat və elmi-tədqiqat təcrübələri keçir. İstehsalat təcrübəsi müddətində tələbələrin tədris boyu yiyələndiyi nəzəri bilikləri təcrübədə tətbiq etmələri onların gələcək iş həyatlarında çox böyük rol oynayır.

Mərkəzin əsas vəzifələrindən biri 14 həftə davam edən istehsalat təcrübəsini izləmək və yaranan problemləri aradan qaldırmaqdır.

Universitetin qarşısında duran mühüm məqsədlərdən  biri də gələcəkdə dövlətimizin iqtisadi inkişafında vacib yer tutan inşaat sahəsi üçün savadlı, bacarıqlı gənc mütəxəssislər yetişdirməkdir. Bu baxımdan universitetimizi bitirən tələbə və məzunların gələcək karyeralarını qurmalarına dəstək olmaq universitetimiz üçün ən vacib məqamlardan biridir. Bu istiqamətdə universitetin nəzdində yaradılmış karyera mərkəzi tələbələrin və məzunların birinci dəstəkçisidir.

Təcrübə və Karyera mərkəzində universiteti bitirmiş tələbələr haqqında “Məzun məlumat bazası”, eləcə də tələbə və məzunların CV bazası yaradılmışdır. 

Mərkəzdə daima yenilənən “Karyera İmkanları” bölməsi də mövcuddur. Burada məzun və tələbələrin iş axtarışına dəstək olmaq üçün müxtəlif sahələrdə fəaliyyət göstərən ən qabaqcıl müəssisələrlə əlaqə yaradılaraq, tələbələrin müsahibələrdə iştirakları üçün şərait yaradılır. Mərkəz tərəfindən öz karyeralarını uğurla qura bilmiş bir sıra fəxri məzunlarımızın iştirakı ilə seminarlar, təlimlər, treninqlər və s. tədbirlər təşkil edilir.

































































































Fakültə haqqında. Memarlıq fakültəsi öz köklü ənənələrinə görə universitetimizdə və memarlıq ixtisasını tədris edən digər ali məktəblər arasında həmişə seçilmişdir. Fakültə Memarlıq və dizayn ixtisasları üzrə bakalavr və magistr təhsili pilləsində mütəxəssislər hazırlayır. Fakültənin professor-müəllim heyətinin böyük əksəriyyəti memarlıq layihələndirilməsi- şəhərsalma, dizayn, abidələrin bərpası sahəsində respublikanın tanınmış mütəxəssisləri və alimləridir. Hal - hazırda fakültədə AMEA-nın 1 müxbir üzvü, 12 memarlıq doktoru, 17 professor, 33 memarlıq üzrə fəlsəfə doktoru, dosent öz dərin nəzəri və praktik biliklərini tələbələrimizlə paylaşır. Onlardan 2 nəfəri «Şöhrət» ordeni laureatı, 12 nəfəri respublikanın əməkdar memarı, 1 nəfəri isə Respublika Dövlət mükafatı laureatı fəxri adlarına layiq görülmüşdür.

Fakültənin 21 professor, 33 memarlıq üzrə fəlsəfə doktoru, dosent, baş müəllim və müəllim olmaqla 122 üzvü vardır.

Fakültədə təhsil. Fakültəyə daxil olmaq istəyən abituriyentlər qabiliyyət seçimindən sonra Tələbə Qəbulu üzrə Dövlət Komissiyasının keçirdiyi qəbul (test) imtahanlarında iştirak edir və universitetdə rəsm və rəsmxətdən qabiliyyət imtahanı verirlər.

Yaranma tarixi. Memarlıq fakültəsinin 90 ildən artıq yaşı vardır.

İlkin olaraq indiki Neft Akademiyasının nəzdindəki İnşaat fakültəsinin tərkibində Memarlıq bölməsi kimi mövcud olmuşdur. 1968-ci ildə inşaat fakültəsindən memarlıq bölməsinin ayrılması nəticəsində memarlıq fakültəsi yaradılmışdır. Memarlıq fakültəsində 2 istiqamətdə memarlıq və dizayn sahəsi üzrə tədris olunan fənlərin elmi-təcrübi fəaliyyətinin əsas məqsədi layihələndirmə prosesinin mənimsənilməsinə yönəldilmişdir. Fakültənin bakalaviatura, magistratura və doktorantura bölməsində hər bir istiqamətdə olan ixtisaslar üzrə kadr hazırlığı aparılır. Fakültəni bitirən mütəxəssislər memarlıq, şəhərsalma, ətraf mühitin dizaynı, tarixi abidələrin bərpası, dizayn və s. sahələrdə səmərəli fəaliyyət göstərirlər.

Fakültə haqqında. Memarlıq fakültəsi öz köklü ənənələrinə görə universitetimizdə və memarlıq ixtisasını tədris edən digər ali məktəblər arasında həmişə seçilmişdir. Fakültə Memarlıq və dizayn ixtisasları üzrə bakalavr və magistr təhsili pilləsində mütəxəssislər hazırlayır. Fakültənin professor-müəllim heyətinin böyük əksəriyyəti memarlıq layihələndirilməsi- şəhərsalma, dizayn, abidələrin bərpası sahəsində respublikanın tanınmış mütəxəssisləri və alimləridir. Hal - hazırda fakültədə AMEA-nın 1 müxbir üzvü, 12 memarlıq doktoru, 17 professor, 33 memarlıq üzrə fəlsəfə doktoru, dosent öz dərin nəzəri və praktik biliklərini tələbələrimizlə paylaşır. Onlardan 2 nəfəri «Şöhrət» ordeni laureatı, 12 nəfəri respublikanın əməkdar memarı, 1 nəfəri isə Respublika Dövlət mükafatı laureatı fəxri adlarına layiq görülmüşdür.

Yaranma tarixi. Memarlıq fakültəsinin 90 ildən artıq yaşı vardır.

İlkin olaraq indiki Neft Akademiyasının nəzdindəki İnşaat fakültəsinin tərkibində Memarlıq bölməsi kimi mövcud olmuşdur. 1968-ci ildə inşaat fakültəsindən memarlıq bölməsinin ayrılması nəticəsində memarlıq fakültəsi yaradılmışdır. Memarlıq fakültəsində 2 istiqamətdə memarlıq və dizayn sahəsi üzrə tədris olunan fənlərin elmi-təcrübi fəaliyyətinin əsas məqsədi layihələndirmə prosesinin mənimsənilməsinə yönəldilmişdir. Fakültənin bakalaviatura, magistratura və doktorantura bölməsində hər bir istiqamətdə olan ixtisaslar üzrə kadr hazırlığı aparılır. Fakültəni bitirən mütəxəssislər memarlıq, şəhərsalma, ətraf mühitin dizaynı, tarixi abidələrin bərpası, dizayn və s. sahələrdə səmərəli fəaliyyət göstərirlər.

Fakültədə təhsil. Fakültəyə daxil olmaq istəyən abituriyentlər qabiliyyət seçimindən sonra Tələbə Qəbulu üzrə Dövlət Komissiyasının keçirdiyi qəbul (test) imtahanlarında iştirak edir və universitetdə rəsm və rəsmxətdən qabiliyyət imtahanı verirlər.