Media

 10.10.2022 tarixində  Şəhid məzunlarımızın barelyefinin açılışı olmuşdur
         Mexanika və informasiya texnologiyaları fakültəsinin şəhid məzunlarının xatirəsinin əbədiləşdirilməsi üçün yaradılmış kompleksin açılışı olmuşdur. Açılış Mərasimində AzMİU-nun şəhid məzunlarının valideynləri, qazi məzunlar, universitetin rəhbərliyi, professor-müəllim heyəti və tələbələr iştirak etmişdirlər.
          Açılış mərasimindən öncə Azərbaycan Respublikasının Dövlət Himni səsləndirildi və Vətən uğrunda canını fəda edən şəhidlərimizin ruhu bir dəqiqəlik sükutla yad edildi.
Tədbiri  fakültənin dekanı, dosent Məmmədov Sabir Baladin oğlu açaraq mərasim iştirakçılarını salamladı və onlara fakültənin şəhid məzunları haqqında məlumat verdi.
        Universitetin rektoru, professor Gülçöhrə xanım Məmmədova çıxış edərək,döyüş meydanında qəhrəmanlıq göstərən AzMİU məzunlarını, I Qarabağ müharibəsində şəhid olan onlarla məzun və tələbəni, Vətən müharibəsində şəhid olan 25 məzunu xatırladaraq tələbələri dövlətçilik, milli-vətənpərvər məsələlərində ayıq-sayıq olmağa, mübarizliyə səslədi.