Tərsimi həndəsə və mühəndis qrafikası kafedrası

"Tərsimi həndəsə və mühəndis qrafikası" kafedrası haqqında məlumat

"Tərsimi həndəsə və mühəndis qrafikası" kafedrası 1963-cü ildə Azərbaycan Neft və Kimya İnistitutunda (indiki Azərbaycan Dövlət Neft və Sənayə Universitetində) ümumtexniki fənlər kafedrası kimi yaradılmışdır. Kafedranın tədris etdiyi fənlər dövrün tələblərinə cavab verə biləcək ixtisaslı mühəndislərin hazırlanması üçün nəzərdə tutulmuşdur. 

Azərbaycan Memarlıq və İnşaat Universitetində "Tərsimi həndəsə və mühəndis qrafikası" kafedrası 1975-ci ildən fəaliyyət göstərir. Kafedra öz fəaliyyətini uğurla davam etdirir. Hal-hazırda kafedrada 7 (yeddi) fənn üzrə tədris aparılır:

1 - "Tərsimi həndəsə";

2 - "Perspektiva";

3 - "Tərsimi həndəsə və kompüter qrafikası";

4 - "Tərsimi həndəsə və mühəndis qrafikası";

5 - "Mühəndis və kompüter qrafikası";

6 - "Kompüter qrafikası";

7 - "Mühəndis qrafikası"; 

 Fəaliyyətə başladığı dövrdən indiyə qədər "Tərsimi həndəsə və mühəndis qrafikası" kafedrasına aşağıdakı şəxslər rəhbərlik etmişdir:

1963-1980-cı illərdə "Tərsimi həndəsə və mühəndis qrafikası" kafedrasının müdiri, dosent Qasım Əhməd oğlu Səlimxanov, 1981-1988-ci illərdə dosent Razalya Həmid qızı Ağayeva, 1988-1996-cı illərdə t.e.d., professor Xəlil Səmid oğlu Səmidov, 1996-2011-ci illərdə t.e.n., dosent Zahid Qoca oğlu Quliyev, 2011-2023-cü illərdə t.e.n., dosent Aslan Əyub oğlu Tağıyev olmuşdur. 

2023-cü ildən "Tərsimi həndəsə və mühəndis qrafikası" kafedrasına t.e.n., dosent Kazım Təvəkgül oğlu Şərifov rəhbərlik edir. 

"Tərsimi həndəsə və mühəndis qrafikası" kafedrasında 10 (on) nəfərdən ibarət müəllim heyəti, 3 (üç) nəfərdən ibarət tədris - köməkçi heyət çalışır. 

Müəllimlərdən 3 nəfər dosent, 4 nəfər baş müəllim, 3 nəfər assistent, tədris - köməkçi heyətdən 1 nəfər laboratoriya müdiri, 2 nəfər böyük laborantdır.

 "Tərsimi həndəsə və mühəndis qrafikası" kafedrası "Azərbaycan Memarlıq və İnşaat Universitetinin aşağıdakı fakültələrində tədris aparır:

1."Memarlıq",

2. "Dizayn", 

3."İnşaat",

4."Su Təsərrüfatı və Mühəndis Kommunikasiya Sistemləri",

5."Nəqliyyat" 

6."Mexanika və İnformasiya texnologiyaları"