İnformasiya texnologiyaları və sistemləri kafedrası

"İnformasiya texnologiyaları və sistemləri" kafedrası haqqında məlumat

1975-ci ildə Azərbaycan Politexnik İnstitutu əsasında İnşaat Mühəndisləri İnstitutu (AzİMİ) yaradılmışdır və burada yeni qurulmuş tədris strukturu daxilində inşaat obyektlərinin müxtəlif  istiqamətlərinə yönəlmiş ixtisasçılar hazırlanmasına başlanmışdır.Həmin illərdə inşaat obyektlərində yüksək dəqiqliyə malik olan kompüter, mikroprossesor  texnologiyaları, şəbəkə prinsipləri əsasında yaradılmış  idarəetmə sistemləri üzrə   kadr hazırlığı tələb olunurdu. Bu məqsədlə 1975-ci ildə mexanikləşdirmə və avtmatlaşdırma fakultəsində  “Hesablama texnikası və istehsal proseslərinin avtomatlaşdırılması” kafedrası yaradılmışdır.

Kafedraya 1975-1977-ci illərdə professor Əsgərov T.A. rəhbərlik etmişdir. Tədris edilən fənlər  üzrə işçi proqramlar, təcrübi dərslərin aparılması üçün laboratoriyalar və s. hazırlanmışdır. Burada İnstitutda tədris olunan ümumi texniki fənlərdən “Hesablama texnikasının əsasları”, “Proqramlaşdırma və EHM”, “Ədədi üsullar”, “Avtomatika və istehsal proseslərinin avtomatlaşdırılması” və “Avtomatlaşdırılmış idarəetmə sistemləri” kursları daxil olmuşdur.

        1977-1983-cü illərdə kafedraya rəhbərlik dosent İbrahim-zadə T.İ. tərəfindən edilmişdir. Tədrisdə EHM-in tədbiqini və AzİMİ-un elmi tədqiqat işlərinin daha yüksək səviyyədə aparılmasını təmin etmək məqsədilə bu illərdə ilk dəfə ES-EHM əsasında hesablama mərkəzi yaradılmışdır.

        1983-cü ildən 1987-ci ilə qədər “HT və İPA” kafedrasına AzEA müxbir üzvü t.e.d., professor Əliyev T.A. rəhbərlik etmişdir. Bu müddət ərzində kafedrada aparılan elmi tədqiqat işlərinin təcrübədə tədbiqi və tələbələrin bilavasitə texnoloji proseslərə yaxın olması məqsədilə kafedranın “Bakı asbestşifer və keramika məmulatları”  kombinatında və İnşaat materialları nazirliyində fəaliyyət göstərən xüsusi layihələndirmə bürosunda filialları yaradılmışdır.

        Prof. T.A.Əliyevin təşəbbüsü ilə 1984-cü ildə “HT və İPA” kafedrasında 0638-İnşaatın kompleks mexanikləşdirilməsi və avtomatlaşdırılması ixtisası açılmışdır. Bu ixtisasın açılmasında əsas məqsəd inşaat müəssisələrində yeni texnoloji proseslərin tədbiqi ilə əlaqədar olaraq avtomatlaşdırılmış idarəetmə sistemlərinin layihə edilməsi və onların istismarı sahəsində mütəxəssislərin hazırlanması olmuşdur.

        Müasir kompüter texnikasının inkişafı və avtomatikanın yeni element bazalarının yaranması nəticəsində ixtisasın adı İnşaatda texnoloji proseslərin və istehsalın avtomatlaşdırılması ilə əvəz olundu. Kafedranın əməkdaşları tərəfindən tələbə elmi cəmiyyətində tələbələrlə elmi işlər aparılmışdır.Alınmış nəticələri kafedranın tələbələri Moskva İnşaat Mühəndisləri İnstitututuda keçirilən Beynəlxalq konfransda Almaniya, Çexoslavakiya, Polşa və s.dövlətlərdən gələn tələbələrlə yanaşı yüksək səviyyədə  məruzə etmişdirlər və  müsabiqədə  üçüncü yerə layiq olunmuşdurlar. Məruzəçi tələbə kollektivinə qiymətli hədiyyələr verilmişdir.

 Prof. T.A.Əliyevin rəhbərliyi ilə inşaat materialları sənayesində texnoloji proseslərin avtomatlaşdırılmış idarəetmə sistemləri, avtomatik nəzarət və diaqnostika sistemləri işlənmiş və bilavasitə istehsalata tədbiq olunmuşdur. Kafedranın əməkdaşları böyük elmi və təsərrüfat əhəmiyyətli tədqiqatlar aparmış, bir çöx patentlər alınmış və yüzlərlə məqalələr və tələbələr üçün dərsliklər, metodiki göstərişlər nəsr etdirmişlər. Bu dövrdə kafedrada aparılmış tədqiqatlar keçmiş sovet məkanı üzrə ən əhəmiyyətli elmi tədqiqat işlərinin siyahısına salınmışdır.

        1987-ci ildən 2000- cı ilə qədər “HT və İPA” kafedrasına dosent Hacıyev A.M. rəhbərlik edir. Bu illərdə kafedrada müasir kompyuter texnikası ilə təmin olunmuş siniflər, Hidropnevmoavtomatika, avtomatik idarəetmə nəzəriyyəsi və metrologiyanın əsasları, avtomatik nəzarət və ölçmə, sənaye elektronikası laboratoriyaları hazırlanmış və fəaliyyət göstərir. Son illərdə Təhsil nazirliyində aparılan islahatlara əsaslanaraq kafedrada çox pilləli, yəni bakalavr (T-17.00.00-avtomatlaşdırma və idarəetmə istiqamətləri üzrə) və  magistr (T-17.00.01 – İnşaatda  texnoloji proseslərin fə istehsalatın avtomatlaşdırılması) ixtisasları üzrə təhsil sistemi mövcuddur. Yeni təhsil formasında müasir tələblərə cavab verən ixtisasçı kadrların yetişdirilməsi üçün kafedrada tədris-metodiki işlərin hazırlanmasına və elmi-tədqiqat işlərinin təşkilinə böyük yer verilir.

2000-ci ildən hal-hazıra qədər kafedraya akademik T.A. Əliyev rəhbərlik edir.

Kafedranın professor-müəllim heyəti: Kafedrada 5 professor, 5 dosent, 6 baş müəllim və 10 assistent çalışır və baxılan kadr potensialı idarəetmə və informasiya texnologiyaları üzrə müasir tələbatlara uyğun yüksək ixtisaslı bakalavr və magistr kadrları hazırlanır. Bu məqsədlə kafedranın əməkdaşları tərəfindən bir sıra dərsliklər, dərs vəsaitləri, mühazirələr məcmuəsi çap olunmuşdur. Bunların içərisində xüsusilə, kafedra müdiri, akademik Telman Abbas oğlu Əliyevin “Kliwlend” Beynəlxalq Akademik nəşriyyatında çap olunmuş və Azərbaycan alimlərini dünyada tanıdan kitabları göstərmək olar.