Beynəlxalq reytinq bazaları

AzMİU-nun beynəlxalq reytinqlərdə təmsil olunmasını təmin etmək məqsədilə genişmiqyaslı fəaliyyətlər həyata keçirilmiş və bunun nəticəsində AzMİU bir neçə dünya reytinq bazalarında öz yerini tapmışdır:   

The Times Higher Education-Dünya universitetlərinin fəaliyyətini Birləşmiş Millətlər Təşkilatının 17 Dayanaqlı İnkişaf Məqsədləri (SDG) üzrə qiymətləndirilən bu reytinqdə AzMİU dünya universitetləri arasında yer alıb. Qeyd edək ki, reytinq sisteminə 98 ölkədən və reqionlardan 1240 universitet daxil edilmişdir. Azərbaycan Memarlıq və İnşaat Universiteti 801+ yerdə qərarlaşıb. Bu istiqamətdə müxtəlif məlumatların toplanması, yazılması, tərcümə edilməsi və eləcə də vacib tapşırıqlar yerinə yetirilmişdir. 

QS Ranking -Azərbaycan Memarlıq və İnşaat Universiteti, Böyük Britaniyanın Ümümdünya Universitetlərinin Reytinq Təşkilatı “Quacquarelli Symonds” (QS)  təşkilatının 2016-cı ildən bu yana dərc etdiyi “İnkişaf Etməkdə olan Şərqi Avropa və Mərkəzi Asiya” üzrə  ən yaxşı universitetlər arasında qərarlaşır.   

Round University Ranking (RUR Ranking) - universitetlərin beynəlxalq reytinq sistemidir. Azərbaycan Memarlıq və İnşaat Universiteti 2017-ci ildən bu yana, dünyanın müxtəlif ən yaxşı universitetləri arasında bu siyahıya daxil olub.

UI Green Metric World University ranking - 2017-ci ildən Azərbaycan Memarlıq və İnşaat Universiteti "UI Green Metric World University" reytinq bazasında ekoloji cəhətdən dünyanın ən ekoloji universitetləri arasında qərarlaşır.  

U-Multirank Ranking - Azərbaycan Memarlıq və İnşaat Universiteti  ilk dəfə olaraq 2015-ci ildə bu reytinqə daxil olmuş və Avropa ekspertləri tərəfindən qiymətləndirilərək bu il olduğu kimi yüksək kateqoriya  almışdır.  

Webometrics  ranking - WeboMetrics 4 göstərici üzrə universitetləri qiymətləndirir. Ən əsas göstərici isə universitetin veb səhifədə yer alan ixtisasların sillabuslarına keçid, tələbələr üçün elektron kitabxana sistemi və  mühim olan səhifələrə keçiddir. Digər göstəricilər isə universitet müəllimləri tərəfindən nəşr olunan məqalələr, kitablar, elmi əsərlərin çoxluğu və onlara olan təlabata əsaslanır. Azərbaycan Memarlıq və İnşaat Universiteti  ilk dəfə 2018-ci ildə bu reytinqə daxil olub. 

Unirank Ranking - Bu reytinqin məqsədi keyfiyyətli təhsil baxımından  dünya universitetləri və kolleclərinin  qlobal sıralamasını təqdim etməkdir. Azərbaycan Memarlıq və İnşaat Universiteti 2018-ci ildə ilk dəfə sözü geden reytinq sistemində Azərbaycan Universitetləri arasında öz yerini qazanıb.