“Həmrəylik Kuboku”nun qalibləri mükafatlandırılıb

Azərbaycan Memarlıq və İnşaat Universitetinin (AzMİU) Tələbə Həmkarlar İttifaqı Komitəsinin (THİK) təşkilatçılığı ilə Dünya Azərbaycanlılarının Həmrəylik Gününə həsr olunan “Həmrəylik Kuboku” adlı bilik yarışı uğurla yekunlaşıb.

Yarışa universitetin müxtəlif fakültələrindən tələbələr qatılaraq Azərbaycan tarixi, mədəniyyəti və həmrəylik ruhunu əks etdirən müxtəlif mövzularda sualları cavablayıblar.  Maraqlı və rəqabətli şəraitdə keçən yarışda gənclər elmi biliklərini sınamaqla yanaşı, komanda şəklində işləmə bacarıqlarını da ortaya qoyublar.

Sonda ən yüksək nəticə göstərən komandalar mükafatlandırılıb. Qaliblərə universitet rəhbərliyi tərəfindən diplomlar, fəxri fərmanlar və müxtəlif hədiyyələr təqdim olunub. 

Yarışda iştirak edən tələbə gənclər tədbirin maarifləndirici, eyni zamanda motivasiyaedici olduğunu vurğulayıblar.