Universitetimizdə “Ailə, qadın və uşaq problemlərinin həlli” mövzusunda maarifləndirici təlim keçirilib

Azərbaycan Memarlıq və İnşaat Universiteti (AzMİU) Tələbə Gənclər Təşkilatının (TGT) təşkilatçılığı və Səhiyyə Nazirliyi İctimai Səhiyyə və İstehsalat Mərkəzinin Monitorinq və Təhlil Şöbəsinin dəstəyi ilə “Ailə, Qadın və Uşaq Problemlərinin Həlli” mövzusunda maarifləndirici təlim keçirilib. Təlim mərkəzin əməkdaşı Zümrüd Kazımova tərəfindən aparılıb.

Təlim çərçivəsində qadın sağlamlığına diqqət yetirilməsinin əhəmiyyəti, erkən nikahların yaratdığı sosial və tibbi fəsadlar, həmçinin ailə qurarkən nəzərə alınmalı əsas məsələlər müzakirə olunub. Təlim iştirakçılarına sağlam ailə quruluşunun düzgün planlaşdırma və məlumatlılıq əsasında formalaşdığı barədə geniş məlumat verilib.

Təlim müddətində tələbələrin sualları cavablandırılıb, həmçinin praktiki tövsiyələr təqdim edilib. Tədbirin sonunda xatirə şəkili çəkdirilib və belə maarifləndirici tədbirlərin mütəmadi olaraq davam etdiriləcəyi vurğulanıb.