AzMİU-da şəhid Qoşqar Ömərovun xatirəsi anılıb

Azərbaycan Memarlıq və İnşaat Universiteti (AzMİU) Mexanika və İnformasiya Texnologiyaları fakültəsinin Tələbə Gənclər Təşkilatının (TGT) təşəbbüsü ilə Vətən uğrunda şəhid olmuş qəhrəman Qoşqar Ömərovun xatirəsi böyük ehtiramla anılıb. 

Mərasimdə fakültənin tələbə və müəllim heyəti ilə yanaşı, fakültə dekanlığın nümayəndələri də iştirak edib.

Anım tədbiri fakültədə şəhid Qoşqar Ömərovun xatirəsinə ucaldılmış heykəlin qarşısında keçirilib. 

Tədbirdə TGT-nin üzvləri şəhidin həyat yolunu və Vətən müharibəsində göstərdiyi qəhrəmanlıq və fədakarlığı vurğulayaraq çıxışlar ediblər. 

Digər çıxışçılar da şəhidin vətənpərvərliyindən, yüksək əxlaq və igidlik nümayiş etdirən şəxsiyyətindən, həmçinin gənclər üçün örnək olan davranışlarından danışıblar. Bu cür tədbirlərin gənc nəsildə vətənpərvərlik hissinin gücləndirilməsinə, eyni zamanda şəhidlərin əziz xatirəsinin yaşadılmasına böyük töhfə verdiyini qeyd ediblər.