AzMİU-da iqlim dəyişikliyi üzrə debat turniri yekunlaşıb

Azərbaycan Memarlıq və İnşaat Universiteti (AzMİU) Tələbə Həmkarlar İttifaqı Komitəsinin (THİK) təşkilatçılığı ilə keçirilən debat turnirinin final mərhələsi uğurla başa çatıb.

Ölkəmizdə baş tutacaq İqlim Dəyişikliyi üzrə Tərəflərin 29-cu Konfransına (COP29) həsr olunan Debat turniri “Qlobal İqlim Dəyişikliyinin qarşısının alınmasında dövlətlərin atdığı addımlar öz rolunu doğruldur” mövzusunda təşkil olunub.    

Finalda iştirak edən komandalar iqlim dəyişikliyi ilə mübarizə sahəsində müxtəlif yanaşmalar səsləndirib, maraqlı və qızğın müzakirələr aparıblar.

Sonda qaliblər mükafatlandırılıb və iştirakçılar sertifikatlarla təltif olunub.

Bildirək ki, bu cür debatlar tələbələrimizdə elmi və müzakirə qabiliyyətlərini inkişaf etdirməkdə, günün aktual problemləri ilə bağlı düşünməyə və yaradıcılıq nümayiş etdirməyə təşviq edir.