"Öz biznesinə başla" – Elvin Dadaşsoy tələbələrimizlə uğurlu biznes sirlərini bölüşüb

Azərbaycan Memarlıq və İnşaat Universiteti (AzMİU) Tələbə Gənclər Təşkilatının (TGT) təşkilatçılığı ilə tələbələrə sahibkar və təlimçi Elvin Dadaşsoy tərəfindən “Öz biznesinə başla” adlı seminar keçirilib. 

Seminar tələbələrə öz bizneslərini qurmaq üçün zəruri biliklər və təcrübələr təqdim etmək məqsədi daşıyıb. Seminar zamanı Elvin Dadaşsoy uğurlu biznes qurmaq üçün atılmalı olan addımlar, bazar təhlili, biznes planının hazırlanması və maliyyə idarəçiliyi mövzularında dəyərli tövsiyələr verib. Təlimçi öz şəxsi təcrübəsini bölüşərək tələbələrə real dünyada sahibkarlıqla bağlı qarşılaşdıqları problemləri və onların həlli yollarını izah edib.

Seminar tələbələr arasında böyük maraq oyadıb və onlarda biznes dünyasında ilk addımlarını atmaq üçün motivasiya yaradıb. Seminarın sonunda Elvin Dadaşsoy tələbələrin suallarını cavablandırıb.