AzMİU-nun tələbə və əməkdaşları MOSE sertifikasiya prosesinə hazırlıq təlimlərinə cəlb ediləcəklər

Azərbaycan Memarlıq və İnşaat Universitetinin (AzMİU) İnformasiya Kommunikasiya Texnologiyaları (İKT) Mərkəzinin direktoru Sərxan Talıbzadə və “İnnab” peşəkər təlim mərkəzinin təsisçisi Nahid Nəsirov arasında görüş keçirilib. 

Görüşdə universitetin İKT mərkəzinin nəzdində olan Treyninq və Sertifikatlaşdırma şöbəsinin müdiri Nuranə Talıbzadə və İnnab peşəkər təlim mərkəzinin korporativ satış üzrə mütəxəssisi Nərmin Sarıyeva da iştirak edib. Danışıqlar zamanı bir sıra əməkdaşlıq məsələləri müzakirə olunub. 

Belə ki, Treyninq və Sertifikatlaşdırma şöbəsi və “İnnab” peşəkər təlim mərkəzinin professional inkişafa yönəlmiş, eləcə də "Soft Skills" (yumşaq bacarıqlar) ilə bağlı birgə təlimlərin keçirilməsi perspektivləri nəzərdə keçirilib. Birgə əməkdaşlığın nəticəsi kimi AzMİU-nun bir sıra tələbə və əməkdaşlarının MOSE (Microsoft Office Specialist Excel Expert) sertifikasiya prosesinə hazırlıq təlimlərinin başladılması qərara alınıb.