"Oxumaq qazandırır" – Tələbələrimiz oxuyaraq qazandıran kitab layihəsi ilə tanış olublar

Azərbaycan Memarlıq və İnşaat Universiteti (AzMİU) Tələbə Gənclər Təşkilatı (TGT) və OENVA MMC-nin təşkilatçılığı ilə tələbələr “Oxumaq qazandırır” layihəsi ilə tanış olub.

Layihənin təqdimat mərasimində tələbələr layihə haqqında məlumatlandırılıb, iştirak qaydaları və şərtlər açıqlanıb.

İştirakçılara əvvəlcədən seçilmiş kitablar təqdim olunub və həmin kitabları oxuyub içərisində gizlədilmiş xüsusi şifrləri tapmaq tələb olunub. Şifri düzgün tapan tələbələrə müxtəlif mükafatlar təqdim edilib.

Qeyd edək ki, layihə tələbələr arasında oxuma mədəniyyətini təşviq etmək məqsədilə həyata keçirilir. Layihənin təşkilatçıları bu cür interaktiv və motivasiyaedici tədbirlərin, gənclərin daha çox kitab oxumağa yönəldilməsində mühüm rol oynayacağına inandıqlarını bildiriblər.