AzMİU və Qazi Universitetinin birgə təşkilatçılığı ilə beynəlxalq konfrans keçiriləcək

Azərbaycan Memarlıq və İnşaat Universiteti (AzMİU) və Qazi Universitetinin birgə təşkilatçılığı ilə “Mühəndislik və Memarlıqda Enerji və Ətraf Mühit Texnologiyaları (ICETEA 2024)” mövzusunda 19-21 dekabr 2024-cü il tarixlərində beynəlxalq konfrans keçiriləcək.

Konfransın əsas istiqamətləri: Bərpa olunan enerji, ətraf mühit mühəndisliyi və memarlıq, elektrik və elektronika mühəndisliyi və kompüter elmləridir. Konfransda alimlər, ekspertlər, təlimatçılar, qeyri-hökumət təşkilatları və özəl sektor nümayəndələri bir araya gələrək nəzəri və praktiki bilikləri elmi çərçivədə bölüşmək və elmi istiqamətlər üzrə son nailiyyətləri müzakirə etmək imkanı qazanacaq. 

Tədqiqat fikirlərinə platforma olacaq konfrans ölkəmizdə ətraf mühit və elektronika mühəndisliyi sahələrinin inkişafına böyük təkan verəcək. 

Bildirək ki, üç gün davam edəcək konfransın gündəliyinə xarici və yerli aparıcı alimlərin məruzələri, panel müzakirələri, xüsusi mədəni proqram daxildir.

Konfrans barədə ətraflı məlumat üçün qeyd olunan veb səhifəyə daxil ola bilərsiniz: https://conferences.azmiu.edu.az/