5 Oktyabr – Müəllimlər Gününə həsr olunmuş rəsm sərgisi

Azərbaycan Memarlıq və İnşaat Universiteti (AzMİU) Tələbə Gənclər Təşkilatının CreArt Mədəniyyət klubları şəbəkəsinin təşkilatçılığı ilə açıq havada 5 Oktyabr – Müəllimlər Gününə həsr olunmuş rəsm sərgisi keçirilib.

Yaradıcılıqla dolu bu gün tələbələrin müəllimlərinə olan dərin hörmət və minnətdarlıqlarını vizual ifadə etmələri üçün bir fürsət yaradıb.

Tələbələr əsərlərində müəllimlərin həyatımıza təsirini və təhsil prosesindəki vacib rolunu simvolik şəkildə ifadə ediblər.

Sərginin sonunda çəkilən əsərlər sərgilənib və izləyicilər tərəfindən maraqla qarşılanıb.