"Startap nədir?" - Tələbələr üçün növbəti infosessiya keçirilib

Azərbaycan Memarlıq və İnşaat Universitetində(AzMİU) startap layihələrinin əhəmiyyəti və tələbələrin bu layihələrdə fəal iştirakını təmin etmək məqsədi ilə  "Startap nədir?" mövzusunda infosessiya keçirilib. 

Dizayn fakültəsinin tələbələri qarşısında çıxış edən İnnovativ Biznes İnkubator bölməsinin rəhbəri Rasim Abdullayev AzMİU-da startap layihələrinin dəstəklənməsi istiqamətində görülən işlərdən danışıb. Bölmənin gənclərin yaradıcı ideyalarını reallaşdırmaq və onlara dəstək olmaq üçün daim aktiv fəaliyyət göstərdiyini deyib. Öz çıxışında startap nədir, startap yaradıcılığının verdiyi üstünlüklər, innovativ düşüncə tərzinin biznes inkişafını necə dəyişdirdiyini diqqətə çatdırıb. O, tələbələrə bu sahədə karyera qurmağın müsbət tərəfləri barədə məlumat verib, risk almağı və öz yaradıcılıqlarını sərbəst şəkildə ifadə etməyə, cəmiyyətə fayda verəcək işlərlə məşğul olmağa səsləyib. 

İnfossessiya zamanı iştirakçılar, startapların ardında duran ideya generasiyası, bazar tələbləri ilə uyğunlaşma və müvəffəqiyyətli biznes modeli yaratma prinsipləri haqqında ətraflı məlumat alıblar.