Tələbələrə “Start up və İnnovasiya” mövzusunda seminar keçirilib

Azərbaycan Memarlıq və İnşaat Universiteti (AzMİU) Tikinti İqtisad fakültəsinin Tələbə Gənclər Təşkilatının təşkilatçılığı ilə tələbələr üçün “Start up və İnnovasiya” mövzusunda seminar keçirilib.

Maarifləndirici seminarda Aqşin Nəbizadənin “Start-up və İnnovasiya” adlı geniş məruzəsi dinlənilib.

Seminara TGT-nin Tikinti-İqtisad fakültəsi üzrə idarə heyəti eləcə də startap haqqında öyrənməyə maraqlı olan tələbələr qatılıb.

Aqşin Nəbizadə ideyanın yaranması, formalaşdırılması və biznes modelinin qurulması prosesləri haqqında ətraflı məlumat verib.

Onun mövzu ətrafında verdiyi geniş izahatlar və subyektiv fikirləri auditoriyada maraq doğurub, seminar daha sonra interaktiv diskussiya formatında davam edib. Bu müzakirələr zamanı tələbələr həm nəzəri suallarını irəli sürüb, həm də mövzunu dərindən mənimsəmək məqsədilə analizlər aparıblar.