AzMİU-da impakt faktorlu jurnallarda elmi məqalələrin dərc olunması ilə bağlı silsilə seminarlar keçirilib

Azərbaycan Memarlıq və İnşaat Universitetində ( AzMİU) Beynəlxalq xülasələndirmə və indeksləmə bazalarına daxil olan dövri elmi nəşrlərdə məqalələrin dərc edilməsi və nəşr olunan məqalələrə verilən istinadların sayının artırılması məqsədilə silsilə seminarlar keçirilib.

Seminarlar Elmi-tədqiqat şöbəsinin müdiri Reyhan Əkbərli, Elmi əsərlər jurnalının məsul katibi Samirə Əkbərova, Elektron kitabxana şöbəsinin müdiri Aytən Rəhmanova, Elmi-tədqiqat şöbəsinin mütəxəssisi Arzu Nəzərli tərəfindən universitetin kafedralarında keçirilib. 

Fövqəladə hallar və həyat fəaliyyətinin təhlükəsizliyi, Nəqliyyat və logistika, Materialşünaslıq, Əcnəbi dillər, Sənayənin təşkili və idarə edilməsi, Fizika və kimya, Azərbaycan dili və pedaqogika və digər kafedralarda keçirilən seminarlar zamanı elmi nəşrlərdə məqalələrin dərc edilməsinin əhəmiyyəti vurğulanıb, bu jurnallarda məqalənin qəbulu ilə bağlı fundamental məsələlərə toxunulub, məqalələrin nəşri zamanı müəllimlərin qarşılaşdığı çətinliklər müzakirə olunub.