Tələbələrimizə "İT yay məktəbi" haqqında məlumat verilib

Azərbaycan Memarlıq və İnşaat Universiteti ilə Access Bankın tərəfdaşlığı, Biznesin iqtisadiyyatı və menecment və İnformasiya texnologiyaları və sistemləri kafedralarının təşkilatçılığı ilə bankın İnkişaf departamenti və İnsan resursları departamentinin menecerləri “İT yay məktəbi” təcrübə proqramı ilə əlaqədar tələbələrə təlim keçiblər.

Menecment, Biznesin idarə edilməsi, İnformasiya təhlükəsizliyi və İnformasiya texnologiyaları ixtisasları üzrə təhsil alan tələbələrin iştirakı ilə keçirilən təlimdə adıçəkilən təcrübə proqramı haqqında məlumat verilib, proqramın nəzəri biliklərin möhkəmləndirilməsi və yeni biliklərin, vərdişlərin əldə edilməsi üçün yaratdığı fürsətlərdən danışılıb.  

Bu istiqamətdə tədbirlərin davamlı aparılması məqsədəuyğun hesab edilib və dosent Bəşər Şirinov və baş müəllim Namiq Kazımov tədbirin koordinatorları təyin edilib.

Təlimin sonunda iştirakçıları maraqlandıran suallar cavablandırılıb.