AzMİU-nun müəllimi ATU-da “Biznes kanvasının modelində müştəri kəşfi” adlı mühazirə oxuyub

Azərbaycan Tibb Universitetinin (ATU) Elmi Departamentinin Startap və konfrans şöbəsinin və Tələbə Elmi Cəmiyyətinin (TEC) birgə təşkilatçılığı ilə ATU-da startap mövzusunda seminar keçirilib.

Terapevtik stomatologiya kafedrasının dosenti Esmira Abbasova çıxış edərək, vurğulayıb ki, bu cür seminarların təşkilində əsas məqsəd bu sahəyə marağı olan, yeniliklər etmək istəyən tələbələrin bu istiqamətdə inkişafına dəstək olmaqdır.

Azərbaycan Memarlıq və İnşaat Universiteti (AzMİU) Sənayenin təşkili və idarə olunması kafedrasının müəllimi, TEC sədri Günel İmamquliyeva tərəfindən təqdim olunan “Biznes kanvasının modelində müştəri kəşfi” adlı mühazirə iştirakçılar tərəfindən maraqla dinlənilib.

Təlimin sədr müavini, ATU-nun Elmi departamentinin Startap və Konfrans söbəsinin koordinatoru, Terapevtik stomatologiya kafedrasının dosenti Ayət Cəfərova şöbənin fəaliyyəti və keçirilən təlimlərin əhəmiyyətindən danışıb. O, keçirilən təlim mövzularının istiqamətində tədris olunan bilik və bacarıqların karyeranın inkişafındakı rolunu açıqlayıb.

Qeyd edək ki, mühazirə ATU-nun əməkdaşları və Stomatologiya fakültəsinin tələbələri üçün təşkil olunub.