AzMİU-nun 10 tələbəsi “Brend tələbə” statusuna layiq görülüb

AzEdu.az Təhsil Portalı və ali məktəblərin birgə təşkilatçılığı ilə həyata keçirilən "Brend tələbə" layihəsi çərçivəsində xüsusi meyarlara uyğun seçilən tələbələrin mükafatlandırılması davam edir.

AzEdu.az və Azərbaycan Memarlıq və İnşaat Universitetinin (AzMİU) birgə təşkilatçılı ilə AzMiU-nun “Brend tələbələri” seçilən fəal gənclərin mükafatlandırma mərasimi keçirilib. 

Mükafatlandırma mərasimində AzEdu.az təhsil portalının icraçı direktoru Tünzalə Abbasova, portalın müxbiri Sifayə Abbaslı, AzMiU-nun PR və Media bölməsinin rəhbəri Nicat Abdullayev, Tələbə Həmkarlar İttifaqı Komitəsin (THİK) sədri Şahmar Rəfili, PR və Media bölməsinin əməkdaşı Günel Həsənova və “Brend tələbə” statusuna layiq görülmüş tələbələrimiz iştirak ediblər.

Tədbiri açıq elan edən Nicat Abdullayev tələbələr arasında rəqabət mühiti yaratmaq məqsədi ilə başladılan layihənin əhəmiyyətinə diqqət çəkib. “Brend tələbələri” siyahısında AzMİU tələbələrinin də yer almasını sevindirici hal hesab edib. Mükafatlandırmanın bu statusa layiq görülən tələbələrə qazandıracağı üstünlüklərdən danışıb. 

Şahmar Rəfili də öz növbəsində "Brend tələbə" statusuna layiq görülən gəncləri təbrik edib. Universitetin ictimai-sosial həyatında xüsusi fəallığı ilə seçilən bu gənclərə gələcək fəaliyyətlərində uğurlar arzulayıb. Layihəyə AzMİU-nu daxil etdikləri üçün AzEdu.az təhsil portalının nümayəndələrinə təşəkkür edib.   

AzEdu.az təhsil portalının icraçı direktoru Tünzalə Abbasova çıxış edərək bu statusa layiq görülən tələbələri təbrik edib və təhsil həyatlarında nailiyyətlər arzulayıb.

Görüş zamanı layihənin ictimai aktiv tələbələrin inkişafına, onların motivasiyasına və tanıdılmasına verəcəyi töhfəyə diqqət çəkilib. 

Sonda isə “Brend tələbə”lərə təltifnamələr təqdim olunub və xatirə şəkli çəkilib. 

Qeyd edək ki, layihə çərçivəsində siyahıya 24 ali təhsil müəssisəsinin hər birindən 10 “Brend tələbə” daxil edilib və bu tələbələr ekspert komissiyasının hazırladığı meyarlar əsasında birbaşa universitetlər tərəfindən seçilib.

AzMİU-da "Brend tələbə" statusuna layiq görülmüş gənclər aşağıdakılardır:
1. İbrahim Orucov - İnşaat fakültəsi, III kurs
2. Cəbrayıl Orucov - Mexanika və informasiya texnologiyaları fakültəsi, II kurs
3. Röyal Quliyev - Memarlıq fakültəsi, II kurs
4. Niyət Məlikov - İnşaat fakültəsi, II kurs
5. Zeynəb Ağamətova - Su təsərrüfatı və mühəndis kommunikasiya sistemləri fakültəsi, II kurs
6. Şövqü Hüseynli - Mexanika və informasi texnologiyaları fakültəsi, III kurs
7. Elşən Abdullayev - Su təsərrüfatı və mühəndis kommunikasiya sistemləri fakültəsi, IV kurs
8. Könül Babayeva - Mexanika və informasi texnologiyaları fakültəsi, II kurs
9. Xatun Hüseynova - Nəqliyyat fakültəsi, II kurs
10. Aysel Quluyeva - Tikinti-iqtisad fakültəsi, III kurs