“PAŞA Property Management” şirkəti tələbələrimizə karyera imkanı yaradır

“PAŞA Property Management” şirkətinin nümayəndələri Azərbaycan Memarlıq və İnşaat Universitetinin (AzMİU) sonuncu kurs tələbələri ilə görüşüblər. 

Təcrübə və Karyera Mərkəzinin təşkilatçılığı ilə Su təsərrüfatı və mühəndis kommunikasiya sistemləri fakültəsində gerçəkləşən görüşdə elektrik və mexanika mühəndislikləri üzrə sonuncu kursda təhsil alan tələbələr iştirak edib.  
 
İnsan Resursları üzrə Biznes tərəfdaşlar Esmira Hacıyeva və Qalib Süleymanov təmsil etdikləri  şirkət, şirkətin icra etdiyi layihələr, mövcud vakansiyalar, iş şəraiti, namizədlər üçün tələblər haqqında məlumat veriblər. Hazırda şirkətdə elektrik və mexanika mühəndislikləri üzrə aktiv vakansiyaların olduğunu söyləyib, tələbələri bu şansdan yararlanmağa çağırıblar.

Qeyd ediblər ki, mövcud vakansiyalara müraciət etmək istəyən tələbələr [email protected] ünvanına “AzMİU və müraciət etmək istədikləri vakansiyanın adını” yazaraq CV-lərini göndərə bilərlər.