AzMİU Round University Ranking (RUR Ranking) beynəlxalq reytinq siyahısında irəliləyib

Azərbaycan Memarlıq və İnşaat Universiteti(AzMİU) növbəti dəfə Round University Ranking (RUR Ranking) beynəlxalq reytinq siyahısında  yer alıb.

RUR Ranking maraqlı tərəflərin universitetin fəaliyyəti haqqında kifayət qədər məlumat vermək məqsədi daşıyan qiymətləndirmə sistemidir və  dünya universitetlərini 4 fərqli meyar üzrə qiymətləndirir: tədris, tədqiqat, beynəlxalq əlaqələr və maliyyə.

2024-cü il üzrə açıqlanan reytinq sistemində dünya universitetləri arasında  AzMİU 1094-cü yerdə qərarlaşıb. Qeyd edək ki, ötən il universitet 1180-ci yerdə qərarlaşmışdı. 

Qeyd edək ki, ölkə üzrə bu reyting sistemində 8 universitet iştirak edib və bu sıralamada AzMİU öz yerini qoruyub saxlayaraq 5-ci yeri tutub. Tədris meyarı üzrə 935-ci yerdə qərarlaşmaqla ən yaxşı nəticəni əldə edib. Universitet tədqiqat üzrə 1113, beynəlxalq əlaqələr üzrə 1057-ci, maliyyə dayanıqlığı üzrə 1122-ci yerlərdə qərarlaşıb.

2024-cü il üçün “RUR ranking”in tam nəticələrini bu linkə keçid edərək əldə etmək olar: 

https://roundranking.com/ranking/world-university-rankings.html#world-2024