Tələbələrimizin muzeylərə ekskursiyası təşkil olunub

Azərbaycan Memarlıq və İnşaat Universiteti (AzMİU) Tələbə Gənclər Təşkilatı və Dizayn klubun təşkilatçılığı ilə 18 May Beynəlxalq Muzeylər Günü münasibətilə Memarlıq, Dizayn, ST və MKS, MİT, Nəqliyyat və Tikinti-İqtisad fakültələrinin tələbələrinin Milli İncəsənət Muzeyi, Arxeologiya və Etnoqrafiya Muzeyi, Müasir İncəsənət Muzeyi, Suraxanı Gəmi Muzeyi, Milli Azərbaycan Tarixi Muzeyi və Səttar Bəhlulzadənin ev-muzeyinə ekskursiyası təşkil olunub.

Ekskursiya zamanı tələbələr Qədim Şərq və Azərbaycan, Rusiya və Qərbi Avropa incəsənətinin müxtəlif dövrlərini əhatə edən incəsənət əsərləri, Azərbaycan xalqının milli mədəniyyətinin və incəsənətinin əvəzsiz xalça və xalq tətbiqi sənəti nümunələri ilə yanaşı, müasir dövr rəssam və xalq sənətkarlarının ən nümunəvi əsərləri, XX əsrin II yarısından bu günə qədər Azərbaycan avanqardının ən yaxşı rəsm və heykəltəraşlıq nümunələri ilə tanış olub, XIX əsrin sonu, XX əsrin əvvəllərinə aid etnoqrafik materialları, Azərbaycanın tarixi inkişafı, qədim daş dövrünün inkişaf mərhələlərini əks etdirən arxeoloji tapıntıları, “Suraxanı” tanker muzeyində ən müasir texnoloji avadanlıqlardan istifadə edilmiş, bir sıra innovativ yenilikləri nəzərdən keçiriblər.

Ekskursiya zamanı tələbələri maraqlandıran suallar cavablandırılıb.