AzMİU tələbələri İT sahəsi ilə bağlı məlumatlandırılıblar

Azərbaycan Memarlıq və İnşaat Universiteti (AzMİU) Tələbə Gənclər Təşkilatı “İT” klubun təşkilatçılığı ilə İT mütəxəssisi Elgün Məmmədli tərəfindən "Proqramlaşdırmaya giriş" adlı seminar keçirilib.

Təlimin əsas məqsədi tələbələrdə proqramlaşdırmaya dair ilkin təsəvvür yaratmaq, fundamental bilik formalaşdıraraq bu istiqamətlər üzrə düzgün seçim etməkdə yol göstərmək olub. 

Mütəxəssis tələbələrə proqramlaşdırmanın istiqamətlərindən, onların inkişaf dinamikasından, bu sahənin əhəmiyyətini göstərən bir sıra məqamdan danışıb.

Proqramlaşdırma sahəsində karyera qurmaq istəyən tələbələrin potensialını üzə çıxarmaq, onların bu sahədə fərdi və peşəkar inkişaf yolları ilə bağlı tövsiyələr verib.

Sonda tələbələrin sualları cavablandırılıb.