Tələbələrimiz proqramlaşdırma dilləri üzrə biliklərini yoxlayıblar

Azərbaycan Memarlıq və İnşaat Universiteti (AzMİU) Mexanika və İnformasiya Texnologiyaları fakültəsinin Tələbə Gənclər Təşkilatının təşkilatçılığı ilə "Code" müsabiqəsi baş tutub.

Müsabiqədə 30 tələbə "JavaScript" və "Python" dillərindən NHN tipli yarışda rəqabət aparıb. Gərgin mübarizə və sağlam rəqabət şəraitində keçirilən yarışda tələbələr 50 sualın hər birini 10 saniyədən qısa müddətdə cavablandırmağa çalışıb. Sonda qalib gələn 5 tələbə mükafatlandırılıb.

Qeyd edək ki, “JavaScript” veb tərtibatçıların veb səhifələri, tətbiqləri, serverləri və hətta oyunları inkişaf etdirərkən daha dinamik qarşılıqlı əlaqə yaratmaq üçün istifadə etdiyi sinxron və single-thread proqramlaşdırma (skript) dilidir.

“Python” isə sürətli, tez və istifadəsi asan dildirki’’scalable web applications’’ inkişafında geniş istifadə olunur. YouTube, Instagram, Pinterest, SurveyMonkey kimi proqramların bütünlüklə konstruksiyasında Python əsas rol oynayıb. Əksər ‘’start up’’lar əsas backend üçün’’Python’’dan yararlanırlar.