Tələbələrimiz şəxsi inkişaf və karyera istiqamətində məlumatlandırılıb

Azərbaycan Memarlıq və İnşaat Universitetində(AzMİU)  Tikinti-iqtisad fakültəsinin tələbələri üçün  “Karyera və şəxsi inkişaf” adlı təlim  keçirilib.

Təlimi giriş sözü ilə açan Tələbə Həmkarlar İttifaqı Komitəsinin(THİK) sədri Şahmar Rəfili universitetdə gənclərin şəxsi inkişafı və  karyera imkanlarına dəstək məqsədi ilə müxtəlif səpkili tədbirlərin keçirildiyini bildirib. Təlimdə toxunulacaq məsələlərin  tələbələrə qazandıracağı üstünlüklərdən  danışıb. 

“Təlimçilik Akademiyası”nın təsisçisi, karyera və şəxsi inkişaf üzrə təlimçi, mentor Fəxrəddin Abdullayev tələbələrlə karyera,  uğurlu karyera planlaması, şəxsi inkişaf üçün qarşıya qoyulan hədəflər və məqsədlər, onlara nail olmaq yolları, doğru karyera seçimi  istiqamətində müzakirələr aparıb. Həmçinin  fərdi inkişafın təməlləri barədə geniş təqdimatla çıxış edib.

Təlim maraqlı müzakirələrlə yekunlaşıb, aktivlik göstərən tələbələr diplomlarla mükafatlandırılıb.