AzMİU tələbələrinin universitetin Heydər Əliyev Muzeyinə ekskursiyası təşkil olunub

Ulu öndər Heydər Əliyevin anım günü ilə əlaqədar olaraq Azərbaycan Memarlıq və İnşaat Universitetinin (AzMİU) tələbələrinin universitetin Heydər Əliyev Muzeyinə ekskursiyası təşkil olunub. 

Tələbə Həmkarlar İttifaqı Komitəsinin (THİK) və AzMİU-nun Tarixi Muzeyinin birgə təşkilatçılığı ilə keçirilən ekskursiyada tələbələr Ulu Öndərin həyat və fəaliyyətini əks etdirən eksponatlarla tanış olublar.

Ekskursiyada AzMİU-nun prorektoru Orxan Naqdiyev, THİK-in sədri Şahmar Rəfili və AzMİU-nun Tarixi Muzeyinin direktkru Gülmira Məmmədova da iştirak ediblər. Onlar tələbələr qarşısında çıxış edərək universitetin Heydər Əliyev Muzeyi, muzeydəki eksponatlar, həmçinin Ulu Öndərin ümummilli liderlik missiyası haqqında geniş məlumat veriblər. 

Qeyd edək ki, bu il AzMİU-nun Heydər Əliyev Muzeyinin yaradılmasının 10 ili tamam olur. Muzeydə Ulu Öndərin həyat və fəaliyyətini əks etdirən foto stendlər, video görüntülər və müxtəlif kitablar saxlanılır.