AzMİU-ya ezam olunan qazaxıstanlı magistrantlar elmi-tədqiqat işlərini tamamlayıblar

Qazaxıstanın Satbayev Universitetinin Bassenov adına Memarlıq və İnşaat Mühəndisliyi İnstitutunun 5 magistrantı – Mərcan Mustafa, Jambıl Nurkeyev, Bereke Turqanbay, Aida Yermekkızı, Narkız İrmaxamed Azərbaycan Memarlıq və İnşaat Universitetində (AzMİU) elmi-tədqiqat işlərini uğurla tamamlayıblar.  

AzMİU-nun Beynəlxalq əlaqələr üzrə prorektoru professor Nərgiz Abdullayeva, Magistratura Mərkəzinin direktoru Rövşən Səmədov və İnşaat konstruksiyaları kafedrasının müdiri Müxlis Hacıyev qazaxıstanlı tələbələrlə görüşüb, proqramı başa vuran tələbələrə gələcək fəaliyyətlərində uğurlar arzulayıblar.

Görüşdə tələbələr proqramı uğurla tamamladıqları üçün AzMİU tərəfindən sertifikatlarla təltif ediliblər.

Qeyd edək ki, qazaxıstanlı tələbələr beynəlxalq tədris proqramına əsasən, 27 noyabr – 10 dekabr tarixlərində İnşaat konstruksiyaları, Memarlıq layihələndirilməsi və şəhərsalma  kafedralarında elmi-tədqiqatlara cəlb olunublar. Onlar bu tarixlərdə tədris prosesi ilə tanış olub, professor-müəllim heyətinin mühazirələrini dinləyib, müvafiq sahə üzrə elmi-tədqiqat aparıb, AzMİU-nun zəngin kitabxanasından yararlanıb və laboratoriyalardan faydalanıblar.