Milli Müdafiə Universitetinin yüksək rütbəli zabitləri tələbələrimizlə görüşüblər

Milli Müdafiə Universitetinin (MMU) yüksək rütbəli zabitləri Azərbaycan Memarlıq və İnşaat Universitetinin (AzMİU) tələbələri ilə görüşüb. Görüşün məqsədi gənc nəslin hərbi vətənpərvərlik ruhunda tərbiyəsi, onlara dövlətçiliyə sədaqət hisslərinin təlqin edilməsi olub. 

Görüşdə əvvəlcə ulu öndər Heydər Əliyevin və torpaqlarımızın azadlığı uğrunda canından keçən şəhidlərin əziz xatirəsi bir dəqiqəlik sükutla yad edilib. 

Çıxış edənlər gənc nəslin milli köklərimizə, mənəvi dəyərlərimizə, tarixi adət-ənənələrimizə bağlılığı, Vətənə sevgi, dövlətçiliyə sədaqət ruhunda tərbiyəsi istiqamətində görülən işlər, həyata keçirilən layihələr haqqında məlumat verilib.

Çıxışlardan sonra tələbələrin hərbi vətənpərvərlik mövzusunda sualları cavablandırılıb.  

AzMİU-nun professor-müəllim heyətinin də iştirak etdiyi görüşdə elm və təhsil sahəsində iki ali təhsil müəssisəsi arasında birgə əməkdaşlıq haqqında məsələlər də müzakirə edilib.