"Liderin gücü onun ətrafındakılara təsir gücüylə ölçülür" - Tələbələrimizə "Liderlik və İctimai Nitq" mövzusunda seminar keçirilib

Azərbaycan Memarlıq və İnşaat Universitetində (AzMİU) Tələbə Gənclər Təşkilatının (TGT) təşkilatçılığı ilə "100MİN" proqramı çərçivəsində təlimçi Bəhman Qüdsi ilə görüş keçirilib. 

Görüşdə "Liderlik və İctimai Nitq" mövzusu ətrafında danışan B.Qüdsi tələbələrə liderliyin nəzəriyyələri, xüsusiyyətləri, bu xüsusiyyətləri inkişaf etdirən metodlar və liderliyin güc resursları haqqında ətraflı məlumat verib. O vurğulayıb ki, liderin gücü onun ətrafındakılara, komandadakı insanların davranışlarına təsir gücüylə ölçülür.

Həmçinin ictimai nitq məharətinin cəmiyyətin bütün sahələrində hər bir şəxs üçün vacib amil olduğunu vurğulayan təlimçi, seminarda ictimai nitqin prinsipləri, natiqlik bacarıqları, söz ehtiyatının artırılması yolları, özünüifadə problemi və həll yolları ilə bağlı məlumat verib.

Görüşün sonunda tələbələrin sualları cavablandırılıb və xatirə şəkli çəkilib.