AzMİU keyfiyyət təminatı istiqamətində İTU və Ege Universiteti ilə əməkdaşlıq edəcək
Azərbaycan Memarlıq və İnşaat Universitetinin (AzMİU) Keyfiyyət təminatı və monitorinq mərkəzinin müdiri dosent Könül Ağayeva 1-15 Oktyabr 2023-cü il tarixində Orhun proqramı çərçivəsində Türkiyənin Ege Universitetində ezamiyyətdə olub.
Bu müddət ərzində o, dərs prosesində nəzərdə tutulmuş proqram əsasında aktiv iştirak etməklə yanaşı, İstanbul Teknik Universitetinin və Ege Universitetinin Keyfiyyət təminatı koordinatorları ilə görüşüb, oradakı proseslərlə yaxından tanış olub.
Görüşlər zamanı Könül Ağayeva AzMİU-nun Keyfiyyət təminatı və monitorinq mərkəzinin fəaliyyəti ilə bağlı ətraflı məlumat verib, həmçinin İTU və Ege Universitetinin təcrübəsini öyrənib və fikir mübadiləsi aparılıb.
Səfər çərçivəsində Ege Universiteti ilə Marketinq ixtisası üzrə ikili diplom müqaviləsi məsələsi də müzakirə olunub. Müzakirələr nəticəsində AzMİU və Ege Universiteti arasında Marketinq ixtisası üzrə magistr səviyyəsində ikili diplom müqaviləsi prosesinin başladılması barədə universitetin rəhbərliyi ilə ilkin razılıq əldə olunub.
