“QS QUACQUARELLI SYMONDS” Reytinq Agentliyi ilə Azərbaycanın ali təhsil müəssisələrinin rəhbərləri arasında görüş

Elm və Ali Təhsil üzrə Dövlət Agentliyinin təşkilatçılığı ilə Bakı Dövlət Universitetində ev sahibliyi ilə nüfuzlu “QS QUACQUARELLI SYMONDS” Reytinq Agentliyi və Azərbaycanın ali təhsil müəssisələrinin rəhbərləri arasında görüş keçirilib.

Görüşdə BDU-nun rektoru Elçin Babayev, Elm və Ali Təhsil üzrə Dövlət Agentliyinin direktoru Ülkər Səttarova, 10 ali təhsil müəssisəsinin rəhbəri, bir sıra ali məktəblərin prorektorları və “QS QUACQUARELLI SYMONDS” Reytinq Agentliyinin nümayəndələri iştirak ediblər.

Açılış nitqi ilə çıxış edən BDU rektoru Elçin Babayev və Agentliyin direktoru Ülkər Səttarova tədbir iştirakçılarını salamlayaraq QS reytinq nəticələrinin Azərbaycanın ali təhsil müəssisələri üçün əhəmiyyətini vurğulayıblar.

Görüşdə “QS QUACQUARELLI SYMONDS” Reytinq Agentliyinin nümayəndələri tərəfindən QS reytinq nəticələri əsasında müxtəlif kateqoriyalar üzrə Azərbaycan ATM-lərinin mövcud vəziyyətinə dair müqayisəli təhlil aparılıb. Daha sonra isə Agentliyin nümayəndələri ali təhsil müəsissələrinin rəhbərlərini maraqlandıran sualları cavablandırıblar.