Zaqatalalı abituriyentlər AzMİU haqqında məlumatlandırılıblar

Azərbaycan Memarlıq və İnşaat Universitetinin (AzMİU) əməkdaşları “Kainat” Tədris Mərkəzinin Zaqatala filialının təşkilatçılığı ilə Zaqataladan olan abituriyentlərlə görüşüblər.

Tədbirə “Kainat” Tədris Mərkəzinin rəhbəri İlqar Ağakişiyev, Şəki-Zaqatala Regional Təhsil şöbəsinin nümayəndələri, AzMİU-nun Abituriyent Məsləhət Mərkəzinin əməkdaşları Aynurə Bayramova,  Rəna Cəbrayılova, Zaqatala filialının abituriyentləri və bölgə məktəbliləri qatılıblar.   

Görüşdə AzMİU-nun tanıtımı həyata keçirilib. Bölgə məktəblilərinə  universitetin maddi-texniki bazası, ixtisasları, beynəlxalq əlaqələri, ikili diplom layihələri, tələbə həyatından danışılıb, bukletlər paylanılıb.

AzMİU haqqında geniş məlumatlandırmadan sonra abituriyentləri maraqlandıran suallar cavablandırılıb.