Məktəblilərin AzMİU ilə tanışlığı davam edir

“Hədəf Kursları”nın abituriyentləri Azərbaycan Memarlıq və İnşaat Universitetində(AzMİU) ekskursiyada olublar. 

Ekskursiyada məqsəd abituriyentləri AzMİU, onun maddi-texniki bazası, ixtisasları, fakültələri ilə tanış etmək, gələcək tələbələrə universitet seçimində dəstək göstərmək olub. 

Abituriyentlər fakültələri, laboratoriyaları gəzib, universitetin Sərgi Salonu və Heydər Əliyev Muzeyində olublar. Gəzinti zamanı abituriyentlər AzMİU-nun tarixi, tələbə həyatı, universitetin  kampusu, karyera və təcrübə imkanları, ikili diplom layihələri, beynəlxalq əlaqələri barədə geniş məlumat əldə ediblər. 

Ekskursiyanın sonunda abituriyentlər tələbələrlə birlikdə AzMİU-nun tələbə yeməkxanasında nahar ediblər.