AzMİU-nun güləş məşqçisi 15-ci Paul Klein Fəxri Kuboku ilə təltif olunub

Ramin Allahverdiyev Almaniyanın Lüdviqshafen şəhərində keçirilən 15-ci Paul Klein Xatirə Turnirində  yarışın təşkilatçıları tərəfindən fəxri kubokla təltif edilib.

Lüdviqşafen şəhərində 17 yaşadək sərbəst güləşçilər arasında 15-ci dəfə Paul Klein açıq turniri keçirilib. Ölkəmizi bu yarışda Azərbaycan Memarlıq və İnşaat Universitetinin (AzMİU) İdman Klubunun güləş müəllimi, əməkdar məşqçi Ramin Allahverdiyevin rəhbərliyi ilə 2 yeniyetmə güləşçi təmsil edib.

Almaniyanın müxtəlif əyalətlərindən və Belçikadan 200-ə yaxın idmançının qatıldığı turnirdə Saleh Şahverdiyev (65 kq) qızıl, Riad İsmayılov (80 kq) bürünc medal qazanıb.

AzMİU-nun məşqçi-müəllimi Ramin Allahverdiyev də yarışın təşkilatçıları tərəfindən təltif edilib. Ona 15-ci Paul Klein Fəxri Kuboku təqdim olunub.