“Qaranlıq Dünya” - AzMİU tələbəsinin sərgisi açılıb

Azərbaycan Memarlıq və İnşaat Universitetinin (AzMiU) Memarlıq fakültəsinin tələbəsi Əvəz Cəfərovun “Qaranlıq Dünya” adlı sərgisi açılıb.

Universitetin Elektron Kitabxanasının təşkilatçılığı ilə Rəsm Qalereyasında açılan sərgidə müasir incəsənət və səltənət poeziyasının mahiyyətini birləşdirən düşündürücü əsərlər yer alıb. 

Gənc rəssamın "Qaranlıq dünya" sərgisi iki fərqli komponentdən ibarətdir - virtual sərgi və səliqəli fiziki vitrin. Əsərlər virtual və müntəzəm komponentlərə bölünərək dünyanın gizli aspektlərinin unikal perspektivini təqdim edir. Bu immersiv mühüt  ziyarətçilərə hər bir işin təfərrüatlarını və fakturalarını qiymətləndirmək imkanı verir və onların ictimai təcrübələrini zənginləşdirir. 

Sərgi zalı “qaranlıq dünya” ab-havasını yaradır və gəncin sənətkarlıq üslubunu düşünməyə dəvət edir. 

Sərgi bədii kompozisiya  ilə davam edib. Yaradıcı insan olan Əvəz Cəfər öz rəsm əsərlərinə həsr etdiyi şeirləri sənətsevərlərə təqdim edib.  Tikinti-iqtisad fakültəsinin 3 kurs tələbəsi Elman Mahmudovun ifasında  rəssamın  şeirinə bəstələdiyi  "Özünə Bax" adlı musiqi səsləndirilib. Əsərlərə həsr olunan şeirlər mürəkkəb hekayələri və simvolizmi ilə rəssamın ruhunu dərindən görməyə imkan verib.