AzMİU-nun komandası Yasamal birincisi olub

Yeni Azərbaycan Partiyası Yasamal rayon təşkilatının və Yasamal rayon Gənclər və İdman idarəsinin birgə təşkilatçılığı ilə ümummilli lider Heydər Əliyevin anadan olmasının 100-cü ildönümünə həsr olunmuş ali və orta ixtisas təhsil müəssisələrinin futbol komandaları arasında keçirilən “Mini-futbol” turniri başa çatıb. 

Turnirin final oyunu Bakı Dövlət Universitetinin stadionunda Azərbaycan Memarlıq və İnşaat Universitetinin (AzMİU) yığma komandası ilə Azərbaycan Texniki Universitetinin (AzTU) yığma komandası arasında keçirilib. Gərgin mübarizədə AzMİU komandası qələbəsini 2 qolla rəsmiləşdirib: AzMİU: 2 – AzTU: 0.

Turnirin qalibi olan AzMİU komandasına təşkilatçılar tərəfindən kubok, medal və diplomlar təqdim edilib.