Məktəblilərin AzMİU ilə tanışlığı davam edir

Bakının 20, 286,158, 274 saylı orta məktəblərinin şagirdlərinin Azərbaycan Memarlıq və İnşaat Universitetinə (AzMİU) ekskursiyası təşkil olunub.  

Şagirdlər universitetin Heydər Əliyev Muzeyi, Şəhidlər Guşəsi, Sərgi Salonu, İdman Kompeksi, tədris binaları, kitabxanası ilə tanış olub, dərs prosesini izləyib, müəllim və tələbələrlə söhbət ediblər. 

Ekskursiyanın sonunda məktəblilər üçün məlumat sessiyası təşkil olunub. Onlara tədris prosesi, fakültələr, ixtisaslar, universitetin maddi-texniki bazası, tələbə həyatı barədə geniş informasiya verilib və videoçarx nümayiş olunub.