Bakı məktəbliləri AzMİU-da

Bakının Mehdi Hüseynzadə adına 19 saylı tam orta məktəbinin I fənn qrupu üzrə ali məktəbə hazırlaşan XI sinif şagirdləri Azərbaycan Memarlıq və İnşaat Universitetində (AzMİU) olublar. 

Məktəbliləri AzMİU-nun prorektoru Orxan Naqdiyev və Tələbə Həmkarlar Təşkilatı Komitəsinin sədir müavini Şahmar Rəfili qarşılayıblar. Orxan Naqdiyev və Şahmar Rəfili məktəblilərə AzMİU, universitetin tədris prosesi, maddi-texniki bazası və tələbə həyatı haqqında geniş məlumat veriblər. 

Şagirdlər universitetin şəhərciyi, tədris binaları, laboratoriyaları, Heydər Əliyev muzeyi, Şəhidlər Xatirə Kompleksi, Sərgi Salonu və İdman Kompleksi ilə tanış olublar. 

Görüş zamanı şagirdlərin sualları cavablandırılıb və onlar üçün AzMİU tələbələri ilə ünsiyyət imkanı yaradılıb.