AzMİU-da tələbələrə silsilə təlimlər keçirilir

Azərbaycan Memarlıq və İnşaat Universiteti Tələbə Gənclər Təşkilatının təşkilatçılığı ilə tələbələrə silsilə təlimlər keçirilir. 
Növbəti belə təlimlərdən biri tələbələr üçün iki əhəmiyyətli mövzuya - "İnkişaf marafonu 2023" və "0-dan necə öz biznesimi qura bilərəm"  mövzusuna həsr olunub. 
“İnkişaf marafonu 2023”-ün budəfəki qonaqları- Sakit Səmədov (ADNSU-dosent , biznes konsultant) və Jalə Bəhrəmova ( Shane Academy - təsisçi direktor) olub. Görüşdə  tələbələrə asudə vaxtlarının səmərəli təşkili , şəxsi inkişaf , həyatda uğurlu olmağın sirləri , şəxsi bacarıqların kəşf edilməsi və digər mövzular ətrafında məlumatlar verilib. 
“0-dan öz biznesimi necə qura bilərəm?” təliminin qonağı isə “Zaferoğlu İnşaat” şirkətinin qurucusu Zəfər Məmmədov olub. Qonaq tələbələrə 0-dan biznes qurmağın sirləri , biznesdəki çətinliklər , öz biznes ideyanın tapılması mövzularında motivasiya verici söhbət aparıb. Öz təcrübələrini onlarla bölüşüb.