Tələbə və müəllimlərimiz üçün ekotur təşkil olunub

Azərbaycan Memarlıq və İnşaat Universitetinin (AzMİU) Memarlıq fakültəsinin tələbələri və müəllim heyəti üçün ekotur təşkil olunub.  

İtaliya-Azərbaycan Dizayn Mərkəzinin “Təmiz Şəhər” ASC-nin Balaxanı Sənaye Parkı və Balaxanı Bərk məişət tullantılarının çeşidlənməsi zavodunun təsərrüfat sahələrinə təşkil etdiyi ekoturda iştirakçılara müəssisə barədə geniş məlumat verilib. 

Universitet nümayəndələri Zavodun idarəetmə otağında quraşdırılmış monitorlar vasitəsi ilə iş prosesini onlayn izləyib, çeşidləmə işi, tullantılar arasındakı müxtəlif növ materialları bir-birindən ayıraraq təkrar emala yönəldilməsi prosesləri haqqında ətraflı məlumat verilib. “Təmiz Şəhər” ASC-nin fəaliyyətini əks etdirən broşürlər paylanılıb və tələbələrin sualları cavablandırılıb.