Ümummilli Liderin 100 illik yubileyinə həsr edilmiş futzal turniri davam edir - 10.04.2023

Azərbaycan Memarlıq və İnşaat Universitetinin İdman Kompleksində ümummilli lider Heydər Əliyevin 100 illik yubileyinə həsr edilmiş fakültələrarası futzal turniri davam edir. Aprel ayının 7-dən start götürən yarışda AzMİU-nun bütün fakültələrindən, eləcə də universitetin nəzdində yerləşən İnşaat Kollecindən komandalar təmsil olunur. 

AzMİU-nun Tələbə Həmkarlar İttifaqı Komitəsinin təşkilatçılığı ilə keçirilən yarışın yekununda  I, II, III yerləri tutan komandalar diplom, kubok və qiymətli hədiyyələrlə mükafatlandırılacaq. Çempionatda fərqlənən 3 tələbə futbolçu isə “Ən yaxşı qapıçı”, “Ən məhsuldar oyunçu”, “Ən gənc oyunçu” nominasiyaları üzrə xüsusi mükafatla təltif olunacaq.

Qeyd edək ki, turnirin 14 aprel yarımfinal, 25 aprel də isə final oyunları oynanılacaq.