Harvard Universitetinin təlimçisi AzMİU müəllimlərinə təlim keçib - 07.02.2023

Harvard Universitetinin təlimçisi Kyle Ridley tərəfindən Azərbaycan Memarlıq və İnşaat Universitetinin (AzMİU) Əcnəbi dillər kafedrasının müəllimlərinə ingilis dilinin kommunikativ sahədə dil nəzəriyyəsi və tədris strategiyalarını əhatə edən proqram çərçivəsində təlim keçirilib. Təlim zamanı xarici dilin bilik və bacarığı üzrə (Danışıq, Yazı, Dinləmə, Oxu) müasir tələblərə cavab verən metodlar əsasında vörkşoplar təşkil olunub. 

Kyle Ridley, ingilis dilli qruplarda ixtisas fənlərini tədris edən və Əcnəbi dillər kafedrasının müəllimlərinin dərslərində iştirak edib, monitorinqlər keçirib. 

Təlimi uğurla başa vuran müəllimlərə sertifikat təqdim edilib. 

Qeyd edək ki, təlim AzMİU və Amerika Səfirliyinin birgə əməkdaşlığı ilə reallaşıb. Əməkdaşılıq çərçivəsində 2022-2023-cü tədris ili üçün Əcnəbi dillər kafedrasına Nyu-York Nazarət Roçester kollecinin və Nyu-York Fordham Universitetinin magistri Kyle Ridley dəvət olunub. Kyle Ridley, həmçinin Harvard Universitetinin Xüsusi proqramlar üzrə təlimçisi və dilçilik üzrə bir sıra  beynəlxalq sertifikatın sahibdir (TESOL, TGT, ELL).