AzMİU-nun müəllimləri Danimarkanın Aalborq Universitetində və İspaniyanın Qranada Universitetində “Erasmus+ KA2 İTACA” layihəsi üzrə tədbirlərdə iştirak ediblər [09.06.2022]

           Azərbaycan Memarlıq və İnşaat Universitetinin (AzMİU) Ekologiya kafedrasının müdiri Fəqan Əliyev, kafedranın baş müəllimləri Leyla Məmmədova, Fərhad Əliyev, Su təchizatının problemləri üzrə elmi-tədqiqat və tədris laboratoriyasının müdiri Seynurə Həsənova Danimarkanın Aalborq Universitetində vorkşop, İspaniyanın Qranada Universitetində isə “Ekoloji rekultivasiya konfransı” adlı tədbirə qatılıblar. Adıçəkilən tədbirlər Avropa Birliyinin Erasmus + KA2 İTACA - “Azərbaycanda Ekoloji xarakterli Fövqəladə hallar üzrə 3-cü dövr yeni magistratura səviyyəsini dəstəkləyən İnnovativ Təlim Mərkəzi” qrant layihəsi çərçivəsində baş tutub. 
           Tədbirdə ali təhsildə problem əsaslı tədrisə giriş mövzusunda təcrübi məşğələlər keçirilib, tərəfdaşlar tərəfindən layihənin dövrü hesabatı təqdim olunub. Əməkdaşlarımızın tədbirlərdəki çıxışları layihənin koordinatoru tərəfindən yüksək qiymətləndirilib.