AzMİU-da imtahanlar başa çatıb

                           
         Azərbaycan Memarlıq və İnşaat Universitetində (AzMİU) yanvar ayının 3-də başlayan payız semestrinin qış imtahan sessiyası başa çatıb. Sessiya ərzində tələbələr yazılı, şifahi və test üsulu ilə imtahan veriblər.
         Mövcud pandemiya qaydalarına uyğun olaraq təşkil edilən imtahanlarda sosial məsafə prinsipi qorunub, tələbələr və nəzarətçilər müvafiq qoruyucu vasitələrlə təmin olunub. AzMİU-nun rektoru, professor Gülçöhrə Məmmədova başda olmaqla universitet rəhbərliyi prosesi diqqət mərkəzində saxlayıb və imtahanların gedişini izləyiblər.
          Qış imtahan sessiyasının şəffaf və mövcud qaydalara uyğun keçirilməsi məqsədilə bütün zəruri tədbirlər görülüb. Tələbələrin biliyinin qiymətləndirilməsində şəffaflıq, obyektivliyin qorunması və yaranan neqariv halların operativ şəkildə araşdırılması məqsədilə Apellyasiya Komissiyası fəaliyyət göstərib. İmtahan bitdikdən sonra nəticələrdən narazı qalan tələbələrin onlayn şəkildə Appelyasiya Komissiyasına  müraciət etmələri təmin edilib. 
          Hazırda Universitetdə qış imtahan sessiyasından akademik borcu olan tələbələr 25 faizlə imtahan verirlər.