Tələbələrimiz Rusiyada keçirilən startap yarışmasının laureatı oldular    

         Azərbaycan Memarlıq və İnşaat Universitetinin (AzMİU) startapçı tələbələrdən ibarət komandası Rusiyanın Tümen Sənaye Universitetinin təşkilatçılığı ilə keçirilən “Qaynama nöqtələri” adlı startap yarışmasında “Ən orijinal ideya” nominasiyasına layiq görülüblər.

          Dünyanın müxtəlif ölkələrindən (Qazaxıstan, Çin, Rusiya) stratapçı gənclərin qatıldığı yarışmada 8 komanda iştirak edib. Yarışda ölkəmizi AzMİU ilə yanaşı, Bakı Ali Neft Məktəbi də təmsil edib. 

          Məlumat üçün bildirək ki, yarışmada birinci yeri Çinin JİN SUO TEAM komandası qazanıb. İkinci yerə Tümen Sənaye Universitetinin tələbəsi Darya Lyonova layiq görülüb. Adıçıkilən universitetin daha bir tələbəsi Regina Alimbəyovanın komandası 3-cü yerdə qərarlaşıb. AzMİU və Bakı Ali Neft Məktəbi tələbələrinin startapları isə “Ən orijinal ideya” və “Ən yaxşı İT həll” nominasiyalarının laureatları olub.