AzMİU-nun “Gənc müəllimlər” məktəbində seminar keçirilib

           Azərbaycan Memarlıq və İnşaat Universitetinin (AzMİU) İxtisasartırma fakültəsinin dekanı, dosent Cəmilə İmaməliyevanın təşkilatçılığı  ilə “Gənc müəllimlər” məktəbinin 2021-ci il üçün nəzərdə tutulmuş növbəti seminarlarına start verilib. Covid 19 pandemiyası səbəbindən karantin  qaydalarına uyğun olaraq  bu il də seminarlar onlayn formada keçirilir. Seminarda 60-dan çox gənc müəllim iştirak edib.

           Bu gün “Gənc müəllimlər” məktəbinin ilk seminarı baş tutub. AzMİU-nun rektoru, professor Gülçöhrə Məmmədova tərəfindən keçirilən seminar “Müasir dövrdə ali təhsilin vəziyyəti və əsas inkişaf istiqamətləri” adlı mövzuya həsr olunub.  Rektor gənc kadrlarla dəyərli fikirlərini bölüşüb, məsləhət və tövsiyələrini verib. G.Məmmədova həmçinin gənclərin yaşlı nəslin nümayəndələrinə nisbətən  müasir təfəkkürlü olduqlarını, yeni, informasiya-kommunikasiya texnologiyaları ilə işləməyi bacardıqlarını vurğulayaraq dərs prosesində belə kreativ metodlardan istifadənin əhəmiyyətinə toxunub, dərslərin keyfiyyətini artırılmasında  praktik dərslərə daha çox üstünlük vermələrini onlara məsləhət görüb.

           Seminar mövzu ətrafında maraqlı diskussiya və fikir mübadiləsi ilə davam edib.