AzMİU haqqında məqalə xarici jurnalda dərc olunub

       Azərbaycan Memarlıq və İnşaat Universiteti (AzMİU) haqqında məqalə Böyük Britaniyanın dünyaca ən nüfuzlu Quacquarelly Symonds (QS) reytinq sisteminə aid olan QS Education News jurnalında dərc olunub. Məqalə noyabr ayının ikinci nəşrinin “Tomorrow’s Here Today” adlı mövzusunda 16-cı səhifədə dərc edilib. Məqalədə universitetin uğurlarından, xarici və yerli partnyorlardan, ikili diplom proqramlardan, layihələrdən və digər nailiyyətlərdən söhbət açılır. Jurnal ildə 2 dəfə çap olunur.

       Məlumat üçün onu da qeyd edək ki, QS dünyada universitetlərin reytinqinin müəyyənləşdirilməsi sahəsində tanınmış təşkilatlardan biridir. Bizim universitet hər il QS Avropa və Mərkəzi Asiyanın inkişaf etməkdə olan ölkələrinin (QS EECA) ali təhsil müəssisələrinin reytinqində yer alır.