5 oktyabr Beynəlxalq Müəllimlər günüdür

                       
       Əziz müəllimlərimiz, həyatını, ömrünü xalqının, millətinin uğurlu gələcəyinə həsr edən hörmətli peşə sahibləri, bu gün sizin gününüzdür! Bu bayram münasibəti ilə başda Azərbaycan Memarlıq və İnşaat Universitetinin rektoru, professor Gülçöhrə Məmmədova olmaqla universitetin professor-müəllim heyətini ürəkdən təbrik edir, sizlərə möhkəm can sağlığı və fəaliyyətinizdə yeni-yeni uğurlar arzulayırıq.
       Müəllimlik dünyada ən çətin, həm də ən şərəfli və ən ğözəl peşədir. Müəllim əməyinin nəticəsində cəmiyyət formalaşır, savadlı, bilikli, geniş dünyagörüşlü, nümunəvi əxlaqa malik insanlar, layiqli vətəndaş yetişir. Hazırda dövlətimizin müstəqilliyinin möhkəmlənməsində fəal iştirak edən insanlar məhz müəllim əməyinin yetirmələridir.
      Müəllimlər yeni cəmiyyət quruculuğunun memarlarıdır. Bu günün müəllimi günbəgün yenilənən, sürətli inkişaf edən, müasir, müstəqil Azərbaycanın savadlı, bilikli, dünyagörüşlü olmaqla yanaşı, həm də vətənpərvər vətəndaşlarını yetişdirir. 

     Hörmətli müəllimlərimiz!

     Bir daha Sizi ürəkdən təbrik edir, sağlıqlı ömür,  gərgin və yorulmaz fəaliyyətinizdə uğurlar, uğurlar qazanmaq üçün  tükənməz enerji və yüksək əzmkarlıq arzulayırıq.

     Gününüz mübarək!

     Mətbuat və informasiya şöbəsi